الخرطـــــوم ..حقت أبو منو ؟ – شـــــــــوكة حــــــــوت – ✍️ ياسر محمد محمود البشر

*الخرطوم الشرف البازخ لا يسأل من أصحابها إلا جاهل موغل فى الجهالة قمئ العبارة شاذ التفكير غريب الأطوار فالخرطوم المدينة الوحيدة التى تغمس رجليها فى ثلاثة أنهر وتتوسد ستة ضفاف تغمس رجليها فى النيل الأزرق والنيل الأبيض وتجلس عند مقرن النيلين وتمد بصرها نحو أول خطوة فى نهر النيل العظيم الخرطوم هى سبع محليات جبل أولياء والخرطوم وشرق النيل وأم بدة وأم درمان وبحرى سر أسرار الهوى الخرطوم القصر الجمهورى والقيادة العامة والمطار الخرطوم قاعة الصداقة و٦ أبريل والساحة الخضراء وحوش الخليفة والقبة الخرطوم البكرى وأحمد شرفى والشيخ حمدالنيل والصحافة ود دهاشة والبندارى الخرطوم أم نخيل الجامعة والنيلين والإسلامية والاهلية والأحفاد والسودان للعلوم والتكنلوجيا والقرآن الكريم ومسجد النيلين الخرطوم المجلس الوطنى وقصر الشباب والأطفال والسلاح الطبى والمهندسين والكلية الحربية الخرطوم سعد قشرة والعربى والأفرنجى الخرطوم الهلال والمريخ والموردة والخرطوم (٣) ودار الرياضة الخرطوم الإذاعة والتلفزيون والدايات والمستشفى السعودى والمستشفى الدولى وسعد ابو العلاء وأحمد قاسم وجعفر إبن عوف ومحمد الأمين*.

*الخرطوم تحالف جغرافيا وتاريخ شموخ وحضارة الخرطوم الصافية والصالحة والطائف والملازمين الخرطوم سوبا وعلوة ونبتة عبود والمقرن الخرطوم محمد أحمد الفحل وعبدالله التعايشى والأزهرى وعبدالله خليل وجعفر نميرى وسوار الذهب والصادق الصديق وعمر البشير وعوض إبن عوف وعبدالفتاح البرهان الخرطوم اللواء الأبيض والخريجين والماظ وثورة ١٩٢٤ الخرطوم السوق العربى والافرنجى وسوق العناقريب وسوق القش وسوق أم درمان وسوق الموية وحى العرب الخرطوم الجامع الكبير وأرباب العقائد والشهيد والمعهد العلمى وود نوباوى ومسجد الجامعة الخرطوم شارع الجمهورية والبرلمان وعلى عبداللطيف والحرية وشارع الإستبالية وبيويو كوان الخرطوم ميدان جاكسون وشرولى والميدان الشرقى الخرطوم لوح وشرافة ودواية حربة وكوكاب وسيف وسكين*.

*الخرطوم صديق أحمد حمدون وعبدالله الطيب ودراسات فى القرآن الكريم الخرطوم عوض عمر الإمام ونورين محمد صديق وشيخ الزين الخرطوم لسان العرب وعالم الرياضة والحاج مذكر وجنة الأطفال والناجى البشير الزين من اللكندى الخرطوم المساح دمع البكا وكرومة وسرور والكاشف وإبراهيم عوض الخرطوم يا مولاى قدلة حافى حالق فى الطريق الشاقى الترام الخرطوم هيلتون والمرديان وبرج الفاتح وأراك والاكربول الخرطوم الدار السودانية للكتب ومروى بوكشوب الخرطوم تقرأ حينما تكتب القاهرة وتطبع بيروت الخرطوم أولاد حاج الماحى والبرعى والبلال الطيب والطيب الجد وقريب الله والبادراب وود حسونة وتورشين والتور الضالع ومرفعين فقراء وأرباب العائد ود ابو مريوم الخرطوم الحقيبة ابوصلاح والأمى وود الرضى والجاغريو يا حبيبى أنا فرحان بيك وأحمد المصطفى القربو يحنن وبعدو يجنن وبت النيل يا جميل الخرطوم عثمان حسين وإلياذته شجن الخرطوم وردى ود اللمين وحمدالريح ومحمدية وعوض أحمودى الخرطوم الفاضل سعيد وشرحبيل احمد وابوعركى البخيت الخرطوم كافورى وأولاد الميرغنى وحاج معاوية البرير وسفرى السبب لى أذاى عوض حسن أبو العلاء الخرطوم الهادى الضلالى وود نفاش وعابدين درمة والسر قدور وبنات المغربى وآمال عباس وبخيتة أمين الخرطوم المردوم والحسيس والكرن والطنبور والدليب والسلم الخماسى الخرطوم الفن والثقافة والجمال والألق الخرطوم أمكنة واماكن وشخوص وأشخاص الخرطوم عزيز كافورى وعزيز قوم ذل*.

*الخرطوم أنا فى شخصك بحترم أشخاص ومن تعاطى المكروه عمدا غير شك يتعاطى الحرام الخرطوم الشجر جميع أقلام والنيل مداد لو كتب أشواقى ليك ما عددا الخرطوم جكسا وعلى قاقرين وصديق منزول والهادى صيام والهادى سليم الخرطوم جلال كباكا والنقر وحمورى والجقر وحمد والدبيبة وتنقا ووالى الدين محمد عبدالله الخرطوم دريسة وحامد بريمة وفيصل العجب الخرطوم الفاتح الصباغ وأحمد سليمان ضو البيت وبنات المغربى وعمر الجزولى وجراب الحاوى والسر قدور وعائشة الفلاتية وأم رشيرش وسمية حسن وسميرة دنيا الخرطوم العشق والحب وسر الغرام وسر الهوى الخرطوم قلب نابض وروح متوثبة الخرطوم تمرض ولا تموت الخرطوم ستخرج خبثها ويذهب زبدها جفاء ويبقى ما ينفع الناس*.

نــــــــــــص شـــــــــوكة

*الخرطوم لا يسألوا عن أبيها الخرطوم مثل حواء خلقت من ضلع الشعب السودانى وأصبحت الأم الرؤوم والقلب النابض جمعت بنيها بحنية حتى دخلها أولاد الضيفان غرباء الطبع والطباع والتطبع فسألوا سؤالهم الأرعن (الخرطوم دى حقت أبو منو) ومن يسأل مثل هذا السؤال فهو لا ينتمى لهذا الشعب لا ثقافة ولا خلق ولا أخلاق من سأل هذا السؤال اجهل من مشى على رجلين على أرض السودان*.

ربــــــــــــع شــــــــوكــة

*الخرطوم دى حقت ابو من اخرج قطط الدعم السريع من عمارات الخرطوم الخرطوم حقت أبو من حرر صالحة وأعلن عن تحرير ولاية الخرطوم من الضبان والباعوض وأوباش الدعم السريع*.

*ونواصل يا الخرطوم العندى جمالك يا جنة رضوان*

yassir.mahmoud71@gmail.com