رغم قساوة الوضع وظروف الحرب والأوضاع السيئه العشناها الا انها كانت أجمل فترة مرت علينا أيام بكل م تحمل في جوفها من صعاب وآلام وفرقه وشتات إلا أنها قدرت تطلع معادن الناس الحقيقيه ورتنا معاني الالفه و النخوة والشهامة الكنا بنسمع بيها بس شوفنا فيها توحد الصف والكلمه في ابها صورها شوفنا فيها الطيبه على أرض الواقع لمتنا رغم أنها كانت في ظروف قاسيه إلا إنها كانت أجمل وأنقى من لماتنا قبل الحرب شوفنا فيها م تحمل القلوب من ألفه وكرم وكمان م بننسى قسوة وسواد القليل جدا منها لأن الاغلبيه غلب عليها الطابع السوداني الأصيل المعروف بي صفاتو وطبايعو وانسانيتو واخلاقو الما اتوجد زيها في العالم كلو عشنا مواقف كان ليها الأثر الكبير في قراراتنا وتصرفاتنا ووجهة نظرنا في كتير من الحاجات والقائمة تطول واكيد ح نتكلم في الجانب ده كتير ومن الواقع ح نحكي قصص تبهركم مرة وتوجع قلوبكم مرة
مع تحياتي.
