الاب رفض الخروج من المنزل والأبناء رفضو الخروج من غيرو. في إحدى أحياء مدينة ام درمان كانت تسكن أسرة عم صلاح اللي رفض تمام انو يطلع من بيتو بعد استباحة المليشيا للمدينة وبالتالي رفضت الأسرة كلها انها تخرج من غيرو.
زيهم زي كتير من الأسرة اللتي لم تغادر الخرطوم فذاقو أسوأ انواع العذاب والويل من مليشيا ال دقلو. بتحكي زوجة عم صلاح انهم كانو كل يوم بجوهم في البيت الايام الأولى طمنوهم وكانو بجيبو ليهم مواد تمونينه. وقايد المجموعه كان بلف عليهم في البيوت ويطمن على حال المواطنين بعد اسبوع تحديدا من جيتهم ليهم بي مواد تموينيه جوهم اتنين قالو ليهم بكرة تطلعو نحن دايرين نستخدم البيت سكن لي زوجة القائد وأولاده علما ان البيت حديث ولما رفض عم صلاح بقو يستخدمو معاهم كل أنواع العنف من ضرب واهانة وازلال وصل مرحلة التهديد بنتهاك العرض وهنا خاف عم صلاح وقرر يطلع ولكن كيف والبلد كلها بقت دعامة وكيف يخلي تعبو وشقاو وحصاد عمرو المليشيا وقبل يطلع وفي نفس الليله اللي مفروض يطلع فيها جو جماعة في كروزر وقبضو عليه بتهمة التعاون مع الجيش والى الان لا يعرف له مكان لم يعثر لا ميت ولا حي
