مرحبا بكم بشبكة زول نت .. للإعلان إضغط هنا

أخر الأخبار

حاجة بطعم الحنضل – وجه الخير – ✍️ اماني الامين (اخت الكلس) 

البعض للاسف يعتقد ان القوة هي قروش وممتلكات

ابدا القوة هي الارادة والعزيمة التي تكمن جوانا وتدفعنا للاقدام وتزيدنا اصرار

ولذلك نحن لا زلنا نردد ان الشعب السوداني لا زال قوي رغم انه فقد كل شىء وأصبح بين عشيه وضحاها لا يملك ما يسد به رمقه

ولكنه ثابت وقوي بايمانه ويدعو الله ان يبدل حزنه فرح ويزيده صبر وجلد

وربنا قادر علي كل شىء وينظر الينا بعين الرحمة وابواب رحمته مفتوحه لنا لا نحتاج واسطه ولا صف انتظار فقط نجلس بين يديه ونطلب ونلح في الدعاء

ونحن علي يقين تام ان امر الله كله خير

ولا ندري لعل الله يحدث بعد هذه الحرب أمرا فيه خير لنا وفيه عزة ونصر

ولا زلنا نحارب بالكلمة ونعمل علي استرداد العقول ( المغيبه) التي لا تعي ولا تدرك حجم المؤامرة وما يحاك بالسودان من مؤامرة تستهدف استعماره بعد تفكيكه وتشريد اهله ونتألم جدا لما نستمع لحديث بعض ابناء الشعب الانصرافيين ولا ندري هل هم في ( نوم ) عميق وحالة (هضربة )

حقيقه ما قادره اتخيل انو في ناس لسي حلمانه وقاعده ( مكنكشه ) في سيرة ميته ولبانه ماسخه ويرددوا( كيزان وفلول )

اذا لماذا نتعجب ونستغرب من الجنجويد وقد اعتبروا كل الشعب السوداني كيزان وفلول

اذا كان في وسطنا من يردد هذه الكلمة ليل نهار حد( الببغاوات)

 

فوبيا وحالة مرضيه متاخره جعلت عقولهم تتوقف علي مشهد قديم لدرجه انو مافي حاجة شايفنها الان غير الكيزان

كل الحاصل من دمار وانتهاكات ما مركزين فيه ولا شغالين بيهو شغله

 

تقول ليهم الوطن ضاع وتم احتلاله اقولوا ليك لكن الكيزان زمان عملوا 🤔

تقول ليهم احموا أنفسكم وبيوتكم واعراضكم من الجنجويد وكونوا صاحيين يقولوا ليك كدي اول حاجه نحاسب الكيزان علي كل العملوه والكيزان هم السبب في الحرب 😮

يا جماعة الوقت ما وقت حساب ولا وقت البحث عن من كان السبب

 

يا زول الجنجويد اغتصبوا النساء وهتكوا الاعراض وتجمعوا من كل البلاد اقول ليك والله الكيزان تاني ما يرجعوا للحكم كان ماتوا 🤔

 

يا زول الجنجويدي طردك من بيتك وشال عربيتك وبهدلك احمي نفسك

اقول ليك الفلول عاوزين يقلبوها حرب اهليه والله ما نطلع ولا نسمع كلامهم والجيش جيش كيزان وهسي داير يكتل الشعب ويخليه يدخل في حرب اهليه

لكن القوها عند ( الغافل)

 

وهو في الحقيقه ما عارف نفسه انو مغفل وموهوم

 

واخر حاجه وبصوت مبحوم نستجدي فيه باقي العقل المحنط داخل ( جمجمة) راسه ( المكرضم)

وتقول ليهو يا زول تاني ما حا اكون عندك وطن وحا تتشرد وتهيم علي الارض

اقول ليك احسن الوطن اضيع كيتا كدا علي الكيزان النشوف تاني القوا سلطه وين

قال دايرين يرجعوا يحكمونا ☹️☹️

 

 

كسره

 

ثم ضاع الأمس منا وانتهي بينا النقاش وتدحرجت في الحلق ( عبره) 💔

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى